Апасның Үзәк ял паркында өмә узды

(13 апрель, “Апастово-информ”). 

Районның Үзәк ял паркында зур өмә оештырылды. Әлеге эшкә “Апастово-информ” коллективы да өлеш кертте. 
“Өмәгә оешмалар чыкты. Алар Яр буена, Апас урамнарына бүленгән. Барлык оешма да катнаша. 27 оешма өлеш кертә”, - диде Апас шәһәр тибындагы башкарма комитеты җитәкчесе Луиза Сафина.

Ул шулай ук оешмалар, хуҗалыклар арасында иң активларны, чисталык-пөхтәлек, матурлык тудыруда үрнәк булучыларны көзгә билгеләп үтәчәкне дә белдерде.

“Апастово-информ” коллективы үзәк парктагы өмәдән соң, үзенә беркетелгән Яшьләр урамын да чүп-чарлардан арындырды. Биредә кар астыннан чыккан чүпләр җыелды, бина тирә-юне тырмаланды.