Районның мәдәният хезмәткәрләре «Үзебезнекеләрне ташламыйбыз” проекты кысаларында, махсус хәрби операциядәге егетләр өчен гуманитар ярдәм әзерләде.
(17 апрель, “Апастово-информ”).
Районның музей хезмәткәрләре һәм китапханәчеләр кирәк-яраклар җыеп, аны гуманитар ярдәм җыю үзәгенә тапшырдылар.
“Без озак саклана торган азык-төлекләр, киемнәр алдык. Коллективыбыз кечкенә генә булса да, ярдәм итүне бурычыбыз дип санадык”, - ди район туган якны өйрәнү музее җитәкчесе Лилия Нәбиуллина.
Китапханәчеләр һәрдаим ярдәм чараларына кушыла. Алар сакланучы беләзекләр дә үрәләр.
“Бу юлы көнкүреш кирәк-яраклары, генератор, пычкы, көрәкләр алдык. Барысы да егетләр ихтыяҗын күздә тотып тупланды”, - ди китапханәләр системасы җитәкчесе Гөлчәчәк Ахманова.
Нет комментариев