Банк хезмәткәре һәм риелтор Казан хатын-кызын мошенниклардан коткарып калган

Апастово-информ, 30 апрель 2026 - 09:36

“Казанда ике шәһәр кешесен мошенниклыкка каршы көрәштә ярдәм иткәннәре өчен бүләкләделәр. Бу хакта Казан буенча Россия Эчке эшләр министрлыгы идарәсендә хәбәр иттеләр”, - дип яза “Татар-информ” хәбәрчесе Александр Сергеев.

Банк хезмәткәре Ринат Хәйбуллин һәм риелтор Яна Мелентьева Татарстан башкаласында яшәүче 57 яшьлек хатын-кызны аферистлар кулына эләгүдән саклап калган.

Мошенниклар, хатын-кызны алдап, банктагы акчаларын салдырып алырга һәм фатирын саттырырга тырышкан. Әмма банкның икътисади куркынычсызлык бүлегенең мошенниклыкка каршы тору секторы өлкән белгече Ринат Хәйбуллин уяулык күрсәтеп, җинаятьчеләргә хатын-кызның ышанучанлыгыннан файдаланырга ирек бирмәгән. Моннан тыш, күчемсез милек белгече Яна Мелентьева да шәһәр кешесенең фатирын сату омтылышын вакытында туктаткан.
Казан буенча Эчке эшләр министрлыгы идарәсе башлыгы Ринат Габитов Хәйбуллин белән Мелентьевага актив гражданлык позициясе һәм мошенниклык очракларын булдырмауда эчке эшләр органнарына ярдәм иткәннәре өчен рәхмәт белдерде.