Карамасарда яшәүче Раилә Салавиева җитәкчелегендәге “Чиста экология” социаль коммерцияле булмаган оешмасы “ЭкоЯз” бәйгесендә катнашты һәм Сертификатка лаек булды.
(15 май, “Апастово-информ”).
Әлеге оешма 2021 елдан бирле эшли һәм авылның чисталыгы, төзеклеге, табигый чыганакларның яшәеше өчен өлеш кертә.
“Эковолонтерларның эшчәнлеге күптөрле. Ярдәмнең төп юнәлешләре - пычранган территорияләрне һәм сулыкларны чистарту, агачлар һәм куаклар утырту, агарту акцияләре һәм мастер-класслар оештыру, тыюлыкларда һәм милли паркларда эшләү. Авыл халкы өмәләргә актив кушыла, читтә яшәүчеләрнең дә ярдәмен тоябыз”, - ди Раилә Салавиева.
Нет комментариев