Өй җылысы ерактагы егетләргә: Багыш авылыннан изге ярдәм

Багыш авылында яшәүче Назлыгөл ханым Фәсхетдинова, хәрби хезмәттәге егетләргә үз куллары белән әзерләп коры ашлар җибәрә. Аның тормыш иптәше Рәмис тә беренче көннәрдән үк Ил иминлеген саклауда актив катнаша.
"Коры аш ясау өчен ярмалар,тозлы кыяр,яшелчәләр  белән булыштык. Безнең максатыбыз – егетләрнең катлаулы хезмәтен бераз җиңеләйтү, еракта булса да өй җылысын һәм нинди булса да ярдәм белән бүлешү. Бу изге эшкә үз өлешен керткән һәркемгә зур рәхмәт. Бу хезмәт безне берләштерә, бер-беребезгә булган игътибарыбызны арттыра. Егетләрнең һәрберсе безнең өчен бик кадерле, бик якын. Барысының да исән-сау, тизрәк туган якларына әйләнеп кайтуларын теләп, ярдәм итүебезне  дәвам итәбез. Илебезгә тиз арада җиңү килсен дигән теләктә калабыз!", - дип хәбәр итә Урта Балтай авылы мәдәният йорты җитәкчесе Лилия Җамалиева.