Татарстанлылар 160 мең елга бер генә очып үтүче кометаны күрә алачак

Апастово-информ, 21 апрель 2026 - 10:42

Татарстанлылар 20-25 апрель көннәрендә C/2025 R3 (PANSTARRS) кометасының яктылык пигын күзәтә алачак. Галимнәрнең бәяләвенчә, бу озын периодлы күк җисеме Җир тирәсенә якынча 160 мең елга бер генә кайта, — дип хәбәр итте КФУ астрономы, профессор Юрий Нефедьев.

Татарстанлылар 160 мең елга бер генә очып үтүче кометаны күрә алачак

25 апрельдә ул Кояшка иң якын ноктага якынлашачак, шуның аркасында сизелерлек яктырачак. Хәзер күк җисеме горизонттан түбәндә Балык йолдызлыгында урнашкан.

Кометаны иң яхшы иртәнге сәгатьләрдә күзәтергә мөмкин. Моның өчен ачык киңлек һәм бинокль кирәк булачак. Астроном шулай ук кисәтә: оптик приборларны Кояшка юнәлдерергә ярамый — бу күрү өчен куркыныч.

Кометалар фән өчен кызыклы, чөнки аларда Кояш системасының башлангыч матдәсе сакланган. Аларны өйрәнү галимнәргә безнең планета системасының формалашу һәм эволюция процессларын төгәлрәк аңларга ярдәм итә.