Сабантуй
Әлмәндәрдә Сабан туе авылдашларны очраштырды
Әлмәндәр авыл җирлегендә Сабан туе узды.
(10 июнь, "Апастово-информ").
Сабан туе хезмәт батырларын данлаудан башланды. Бар мәйданга җыр- моң яңгырады.
Авылдашлар бер-берсе белән аралашып, төрле халык һәм спорт уеннарында катнаштылар. Капчык бәреш, аркан тарту, турникта күтәрелү, чүлмәк вату, капчык киеп йөгерү - бар да Сабан туеның бизәге булды.
Сабан туеның баш батыры булып Югары Ындырчы егете Илмир Багитов калды. Тәкәне Фаил һәм Фазыл Вилдановлар әзерләгән иде.
Сабан туеның иганәчесе - Борнашта туып-үскән Илдар Ногманов.
Бәйрәмне Альберт һәм Гөлия Сәлахетдиновлар алып барды, Айрат Айтуганов, җирле үзешчәннәр матур җырларын яңгыратты.
Следите за самым важным и интересным в Telegram-каналеТатмедиа
Нет комментариев