2026 елда отпуск өчен иң отышлы ай — октябрь, дип саный юрист Афанасьев

Бу хакта РИА Новости агентлыгына О.Е. Кутафин исемендәге Мәскәү дәүләт юридик университетының хезмәт хокукы һәм социаль тәэмин итү хокукы кафедрасы доценты, юридик фәннәр кандидаты Михаил Афанасьев хәбәр итте.

Эксперт сүзләренчә, финанс яктан сентябрьдә яки октябрьдә ял алу иң отышлы. Шулар арасыннан октябрь иң җәлеп итүчән вариант: анда 22 эш көне һәм дәүләт бәйрәмнәре юк. Эш көннәре күп булганлыктан, аларның берсе бәясе түбәнрәк була.

Афанасьев аңлатканча, отпуск акчасы хезмәткәрнең ялга кадәрге 12 календарь ай эчендәге уртача хезмәт хакыннан исәпләнә. Нәтиҗәдә, отпуск акчасы күләме ял көннәре өчен гади хезмәт хакына тиң булырга яки аннан артып китәргә мөмкин.

_{Чыганак: «Татар-информ»}