Апаста киң күңелле райондашыбыз Ринат Миначев гаиләсе ифтар ашы үткәрде

(4 апрель, “Апастово-информ”).

Эшмәкәр Ринат Миначев ифтар мәҗлесен ел саен оештыра. Быел да ул традициягә тугры калды, мәҗлескә барлыгы 100дән артык хатын-кызны җыеп, кунак итте.
Ифтар ашында катнашкан район башлыгы Айрат Җиһаншин кунакларны изге Рамазан ае белән котлады һәм иң изге теләкләрен җиткерде.
Ифтар ашына җыелган апалар, хатын-кызлар Рамазан хәзрәт сөйләгән вәгазьләрне тыңлап, моңлы азан тавышларына хозурланып утырдылар. Киң күңелле Миначевлар гаиләсенә олы рәхмәтләрен белдереп дога кылдылар, исәнлек-саулык, эшләрендә уңышлар теләделәр.