Россия Дәүләт Советы депутаты, Казандагы «Апас якташлык җәмгыяте» җитәкчесе Марат Нуриев тормыш иптәше, уллары, киленнәре, оныклары исеменнән туган авылында ифтар ашы үткәрде.
Авылның яше-карты, түбәтәйле ир-атлар, ак яулыклы апалар авыл клубына җыелды. Биредә мөнәҗәтләр, дини темага шигырьләр тыңлап хозурландылар . Райондашыбыз Рамил хәзрәт Юнусовның бик тә үтемле вәгазьләрен , догаларын тыңладылар.
Район башлыгы урынбасары Ленар Хантимиров район башлыгы Айрат Җиһаншин исеменнән Рамазан ае белән котлады, олы рәхмәтләрен ирештерде.
" Тормыш иптәшем тәкъдиме белән мөнәҗәтләр, вәгазьләр тыңлап үткәрергә булдык ифтарны. Авылыбыз халкы бер кичен үзенә багышлап ял итсен дидек. Барысына да олы рәхмәтебез ",- диде Марат Нуриев.
Нет комментариев