Район башлыгына югары сыйныф укучыларыннан хатлар килә
Укучылар районыбызны киләчәктә ничек күзаллауларын җиткереп, район башлыгы Айрат Җиһаншинга барлыгы 50дән артык хат юллаганнар.
(27 март, “Апастово-информ”).
“Яшьләребезгә “Киләчәктә Апасны ничек күрәм” темасына уйланулар язарга тәкъдим иткән идем. Бик кызыклы, эчтәлекле хатлар килде. Егетләрне-кызларны яшьләргә эш урыннары булдыру темасы кызыксындыра. Алар шулай ук районыбызны тагын да матурлату буенча үз тәкъдимнәрен дә җиткергәннәр. Районыбыз җитәкчеләре белән дә әлеге хатларда язылган тәкъдимнәрне ни рәвешле чынга ашыру хакында сөйләшербез”, - дип язган район башлыгы үзенең социаль челтәрләрендәге битендә. Ул Апасыбыз үсешенә битараф калмаган яшьләргә олы рәхмәтен дә белдергән.
Следите за самым важным и интересным в Telegram-каналеТатмедиа
Нет комментариев