Апаста Донорлар көне узды

(13 февраль, “Апастово-информ”).

Бүген райондашлар район үзәк хастаханәсенең актлар залына кан тапшырырга килде. Узган юлы әлеге саваплы эштә барлыгы 64 райондашыбыз катнашкан булса, бүген кан тапшырырга барлыгы 72 кеше теләк белдерде.
“Игелекле эшкә үз өлешен керткән барлык райондашларыбызга олы рәхмәт. Сез тапшырган кан кемнеңдер гомерен саклап калырга мөмкин. Килергә өлгерми калучылар да борчылмасыннар иде. Донорлар көне тагын көз көне узачак”, - дип белдерде район үзәк хастаханәсенең баш табиб урынбасары Талия Сафиуллина.