Кешенең кан тамырында тромб өзелгәнен күрсәтә торган беренче билгеләр

  Флеболог сүзләренчә, тахикардия, пульс югары булу да тромб өзелүнең беренче билгеләре булуы ихтимал.

  «Тромблар тәндә өстәге веналарда да, гадәттә, киңәйгәннәрендә, тирән веноз системасында да барлыкка килә. Симптомнары төрле була.

  Тән өслегендәге веналарда кеше тромблы веналар буйлап авырту сизә, алар өстендә тән тиресе кызара, шул урыннар шешеп китә», – ди табиб.

  Тирәндә урнашкан веналарда тромбоз булганда, балтырда авырту, балтыр шешү яки бөтен аяк шешү, ассиметрия, хәрәкәт иткәндә авырту күзәтелә, тән температурасы да күтәрелергә мөмкин, ди белгеч.

  «Мондый билгеләр булганда тиз арада табибка мөрәҗәгать итәргә кирәк. Өстәмә диагностика ясамыйча, тромбның дәрәҗәсен һәм характерын да белеп булмый. Әгәр тромбның башы стенкага беркетелмәгән булса, ул «флотирующий» дип атала. Нәкъ менә шундый тромб иң курыкынычы – ул өзелеп, үпкә артериясенә эләгергә мөмкин», – ди табиб.

_{Чыганак:https://intertat.tatar/news/kesenen-kan-tamyrynda-tromb-ozelganen-kursata-torgan-berence-bilgelar-5869076}

_{Фото:https://ru.freepik.com/free-photo/3d-render-blood-cells-abstract-background_1216107.htm#fromView=search&page=1&position=0&uuid=6a21231e-145c-496e-9c64-dfcdfac14d38}