Район үзәк хастаханәсе район халкын тирәнтен диспансеризация үтәргә чакыра

(5 май, “Апастово-информ”).

Табиблар әлеге вирус белән авырып терелүчеләргә тирәнтен диспансеризация үтәргә киңәш итәләр.

“Тирәнтен диспансеризация республикабыз, районыбыз халкына бушлай үтелә. Үзендә чир билгеләрен сизеп тә, табибка мөрәҗәгать итмәгән очракларда да әлеге тикшеренүне үтү кирәк. Чөнки мондый тикшеренү коронавирус инфекциясенең организмга никадәр зыян салганын ачыклый. Тикшеренү өчен үз участок табибына мөрәҗәгать итәргә кирәк ”, - ди район үзәк хастаханәсенең баш табиб урынбасары Талия Сафиуллина.