Районда маммография һәм флюорография күчмә комплекслары эшли

(14 март, “Апастово-информ”).

Район хастаханәсеннән хәбәр итүләренчә, махсус маммограф һәм флюорограф җайланмалары белән җиһазландырылган машиналар авыл җирлекләрендә махсус график нигезендә эшлиячәк.
“Күчмә маммограф 12 марттан 8 апрельгә кадәр булачак. Флюорограф киләсе атнада һәр көнне билгеләнгән урынга киләчәк. Биредә шулай ук участок табиблары һәм хатын-кыз консультациясе табиблары да кабул итүләр уздыра. Күчмә комплексларның килү вакыты авыл фельдшерлары аша хәбәр ителәчәк”, - дип белдерде районның баш табибы урынбасары Талия Сафиуллина.