Табиблар бавырга зыян сала торган өч гадәтне атаган

Төрле тикшеренүләр күрсәткәнчә, мондый гадәтләрнең берсе – җиләк-җимешне кирәгеннән артык ашау. Экспертлар фруктозаның кеше сәламәтлегенә тәэсире дөрес бәяләнми дип кисәтә, чөнки аның артык булуы майлы бавыр авыруына китерергә мөмкин. Тагын бер куркыныч фактор – даруларны даими кабул итү. Теләсә кайсы даруның бавыр өчен тискәре йогынтысы булырга мөмкин, шуңа күрә хәл китү, аппетит югалту һәм эч авыртуы кебек симптомнар булганда, табибка мөрәҗәгать итү яхшырак. Моннан тыш, аз хәрәкәтләнү дә бавырда проблемалар китереп чыгарырга мөмкин. Организм май тукымасын тире астында гына түгел, эчке органнар тирәсендә дә туплый башлый, бу ялкынсынуга китерергә мөмкин. Даими күнегүләр бавырда майлы авыру куркынычын киметергә ярдәм итәчәк.

_{Чыганак: https://vatantat.ru/2024/06/144700/
© Ватаным Татарстан}

_{Фото:https://ru.freepik.com/free-vector/realisticnaa-kompozicia-anatomii-vnutrennikh-organov-celoveka-s-izolirovannym-izobrazeniem-vektornoi-illustracii-peceni_23182753.htm#fromView=search&page=1&position=1&uuid=50e4a8f1-3083-4c29-b83a-60d927c234e2}