Табиблар зарядка ясый

(7 апрель, “Апастово-информ”).

Бөтендөнья сәламәтлек көненә багышланган профилактик акция кысаларында, район үзәк хастаханәсе хезмәткәрләре иртәнге зарядка ясады.

Бөтендөнья сәламәтлек көне ел саен 7 апрельдә билгеләп үтелә. Нәкъ менә шул көнне 1948 елда Бөтендөнья сәламәтлек саклау оешмасы оештырыла. Әлеге вакытта ВОЗ составына дөньяның 194 дәүләте керә. Ел саен Сәламәтлек көнен үткәрү традициясе 1950 елдан башлана. Сәламәтлек көне чаралары кешеләр тормышында сәламәтлекнең никадәр мөһим нәрсә булуын аңласыннар өчен үткәрелә.

“Көнебез бик күңелле башланды. Иртәнге физкультура ясап, көн буена җитәрлек энергия алдык. Зарядка кәефне дә күтәрә, сәламәтлекне дә ныгыта”, - диләр табиблар.