Апасның “Кояшкай” балалар бакчасы коллективы “Шәп сани” креатив чаналар бәйгесендә Гран-При иясе булды

(21 март, “Апастово-информ”).

Районда узган Нәүрүз бәйрәме тантаналы мизгелләргә дә бай булды. Бәйрәм чарасында “Шәп сани” креатив чаналар бәйгесенә дә нәтиҗә ясалды. Җиңүчеләр район башлыгы тарафыннан Дипломнарга ия булды. 
Нәтиҗәдә, беренче урынны Каратун мәдәният йорты, икенче урынны Табар Черкене мәктәбе, район мәдәният йорты һәм өченче урынны районның социаль яклау идарәсе, Югары Акхуҗа авылы клубы, Югары Ындырчы авылы клубы, Кече Бакырчы, Югары Балтай, Түбән Балтай, Шәмәк авылы клублары коллективлары яулады. Апасның “Кояшкай” балалар бакчасы коллективы “Шәп сани” креатив чаналар бәйгесендә Гран-При иясе булды.