Апаста аяныч хәл: янгында ике кешенең гомере өзелгән

(15 март, “Апастово-информ”).

Районның янгын күзәтчелеге бүлегеннән хәбәр итүләренчә, Чирмешән авылында торак йортта янгын чыга. Янгын сүндерү вакытында, йорт эчендә 53 яшьлек ир-атның, 14 яшьлек малайның гәүдәләре табыла. 
Хәзерге вакытта урында тикшерүчеләр эшли. Фаҗиганең сәбәпләре ачыклана. 
“Ут-күздән сак булыгыз, бәхетсезлек очракларында, вакытны сузмыйча 101, 112 номерлары белән шалтыратыгыз”, - диләр янгын сүндерүчеләр.

ФОТО: МЧС