Апаста корбан бәйрәмнәрен имин уздыру бурычы куела

Баш ветеринария табибы Алмаз Гыйбадуллин җитәкчелегендә барган киңәшмәдә хайваннарны сатып алу һәм сату белән шөгыльләнүче эшмәкәрләр, районы мөхтәсибе Рәис Нигъмәтҗанов катнашты.

-Барлык корбанга чалынучы хайваннар мәҗбүри рәвештә авырулар булу-булмавына тикшерелергә һәм идентификацияләнергә тиеш (биркалар һәм номерлар булырга тиеш). Россиянең башка төбәкләреннән терлекләрне кертү куркыныч, бигрәк тә имин булмаган эпизоотик хәлле зоналардан, инфекцияләр кермәсен өчен бу эшкә игътибар бирү мөһим. Корбан хайваннарын үзебезнең төбәктән сатып алу яхшы. Безнең уртак бурычыбыз - изге корбан бәйрәмен барлык кануннар буенча гына уздыру түгел, ә район халкының тулы сәламәтлеген тәэмин итү, - диде Алмаз Гыйбадуллин.

Төп игътибар район территориясен биологик куркынычлардан саклауга бирелде. Алмаз Нәҗип улы ящур, бруцеллез, себер түләмәсе һәм башка аеруча куркыныч инфекцияләр китереп чыгаручыларны кертмәү буенча гамәлләр алгоритмын җентекләп аңлатты. 

Эшмәкәрләр өчен мөһим кагыйдәләр: Документлар барыннан да элек: кертелә торган барлык терлекләргә мәҗбүри рәвештә ветеринария документлары (ВСД) бирелергә тиеш. Сатып алуның законлылыгы: терлекләрне сайлап алуның катгый кагыйдәләре һәм барлык ветеринария-санитария нормаларын үтәү турында фикер алыштылар. Мәгълүмат бирү: барлык катнашучыларга актуаль закон таләпләре язылган белешмәләр таратылды.

Барлык терлекләрнең мәҗбүри рәвештә ветеринария документлары булырга тиеш. Терлекләрне сатып алганда моңа игътибар итү мөһим.