Эксперт: MAX мессенджерындагы аудиториясе 10 меңнән артык булган каналлар теркәлергә тиеш

Моның өчен Госуслугалар аша гариза биреп, уникаль гариза номеры алырга һәм аны өч көн эчендә махсус бот аша раслыйсы килә.

Бу хакта TechNet НТИ базары эксперты, ST IT компанияләре төркеме генераль директоры Антон Аверьянов хәбәр итте, «РИА Новости» аның сүзләрен китерә.

Таләп MAX мессенджеры социаль челтәр статусы алганнан соң кертелде. Шуңа күрә 10 меңнән артык язылучысы булган каналлар хуҗалары үзләре турында мәгълүматны Роскомнадзорга тапшырырга һәм реестрга кертелергә бурычлы.

Ведомство игълан итүенчә, теркәлү каналларны күчермәләрдән саклый һәм аудиториянең ышанычын арттыра, кулланучыларга мәгълүмат чыганагының дөреслеген тикшерергә мөмкинлек бирә.

Аверьянов аңлатканча, Госуслугалар аша гариза тапшыргач, гаризага уникаль номер бирелә. Әлеге номерны өч көн эчендә «Метка А+» исемле махсус бот аша мессенджерда, кирәкле каналны сайлап кертеп расларга кирәк.

Реестрга кертү карары ун эш көне эчендә кабул ителә, бу хакта хәбәр кулланучының Госуслугалардагы шәхси кабинетына килә.

10 меңнән артык язылучысы булган каналлар теркәлмәгән очракта, аларга реклама урнаштыру һәм ярдәм җыю тыела. Моннан тыш, башка каналлар аларның контентын таратамый алачак.