Кызыл Таудан Хәлиулла бабай Зиннәтуллин котлаулар кабул итте
Җәмгыять һәм без

Кызыл Таудан Хәлиулла бабай Зиннәтуллин котлаулар кабул итте

Кызыл Тауда яшәүче Хәлиулла бабай Зиннәтуллин 90 яшьлек олы гомер бәйрәмен каршылады.

(28 май, “Апастово-информ”). 


Хәлиулла бабай район башлыгы исеменнән котлаулар кабул итте. Район башкарма комитетының эшләр идарәчесе Ринат Гыйльфанов, Кызыл Тау авыл җирлегеннән Алсу Гыймранова хәл-әхвәлләрен сорашып, җылы теләкләрен җиткерделәр.

 
Хәлиулла бабай озак еллар ветеринария тармагында эшләгән. Ат җигеп, 11 авылга хезмәт күрсәткән ул. Мал табибының уң кулы, ярдәмчесе булган. 
Хәлиулла бабай 3 ел элек пар канатын югалткан. Хәзер ул балалары тәрбиясендә яши. Кышларын калада уздыра, җәй җитү белән сагынып үз нигезенә кайта. Урамнарга да чыга, хәрәкәттә булырга тырыша.


Нет комментариев