27 июнь көнне Пенза өлкәсенең Кече Труев авылында XVI Бөтенроссия авыл Сабантуе үткәрелә. Бу хакта Бөтендөнья татар конгрессы мәгълүм итте.
Бәйрәмне оештыручылар һәм хезмәттәшләре меңләгән кунакларны зур гаҗәпкә калдырырга әзерләнә: Кузнецк районында Россиянең яңа аш-су рекорды куелачак, бу казаныш «Россия рекордларының гастрономия китабына» теркәләчәк.
Бу мактаулы традициянең дәвамы: Пермь краенда узган XIV Бөтенроссия авыл Сабантуенда аш-су осталары 857 килограммнан артык авырлыктагы 3414 порция «татарча азу» әзерләп, ил рекордын куйган иде.
Пенза Сабантуенда исә 1000 кг милли ризык ясарга ниятлиләр, дип хәбәр ителә.
Нет комментариев