Татарстан мөфтие Ураза бәйрәме алдыннан мөселманнарга мөрәҗәгать итте

"Рамазан ае бер мизгел кебек үтте: бүген кояш баегач мөселманнар Ураза бәйрәмен каршы алачак, ә иртәгә Ураза бәйрәмен үткәрәчәк. Быел Гает икенче бер зур бәйрәм-мөбарәк җомга белән туры килә, бу исә Ураза гаетен тагын да зуррак тантана итә, ә җомганы үзенчәлекле итә. Мин сезне чын күңелдән шушы бәйрәмнәр белән котлыйм!"- диде мөфти үзенең мөрәҗәгатендә. 

Бу айда мөселманнарның йөрәкләре Аллаһы Тәгаләнең мәрхәмәтенә, аның кичерүенә һәм гөнаһлар авырлыгыннан азат ителүенә өмет белән тула. Рамазанда Аллаһы Тәгалә башка айлардагы кебек юмарт бүләкләр бирә, дип билгеләде мөфти. Ул шулай ук искә төшергәнчә, Ураза бәйрәме-беренче чиратта ураза тоткан өчен гөнаһларны кичерү бәйрәме, ә кичерү — Аллаһы Тәгаләнең иң зур бүләге.

Чыганак – “Татар-информ”.