Татарстанда РФ терәк челтәре автомобиль юлларының 16 участогы төзәтеләчәк

«Татарстанда Россия терәк челтәренә керүче региональ әһәмияттәге автомобиль юлларының гомуми озынлыгы 1447,5 км тәшкил итә. Алар республика шәһәрләрен һәм административ үзәкләрен тоташтыра, Казанга килү юлларын, шулай ук мөһим транспорт төеннәренә – аэропортларга, тимер юл станцияләренә һәм эчке су юлларына баруны тәэмин итә», – дип билгеләп үтелде министрлыкта.

Быел Тукай районында Яр Чаллы – Зәй – Әлмәт автомобиль юлының 0+000 км дан 5+208 км га кадәрге участогын төзәтү планлаштырыла.

Моннан тыш, Аксубай районында Чистай – Аксубай – Нурлат, Актаныш районында Актаныш – Мөслим, Әлки районында Алексеевское – Высокий Колок һәм Спас районында Базарлы Матак – Болгар юллары төзәтеләчәк.

Ремонт аларның норматив халәтен 85% дәрәҗәсендә тотарга мөмкинлек бирәчәк.