Түбән Камада яшәүче ир-атта пистолет тапканнар

(26 март, “Апастово-информ”).

Алабуга районында үткәрелгән тентү вакытында Түбән Кама кешесендә пистолет һәм сугыш кирәк-яраклары табылып, конфискацияләнгән. Бу хакта ТР буенча Эчке эшләр министрлыгы хәбәр итә.

Мәгълүматларга караганда, пистолет йорт янындагы карда табылган, ә өй эчендә патроннар, пычаклар һәм гранатага охшаган әйбер ачыкланган. Экспертиза нәтиҗәләре буенча, корал ТТ моделе булып чыккан, ә табылган патроннар ату өчен яраклы дип танылган.
Әлеге факт буенча җинаять эше кузгатылган. Ир-атка 5 елга кадәр ирегеннән мәхрүм ителү яный.
Бу хакта “Татар-информ” хәбәрендә язылган.