Чүпрәле районының Коршанга-Шигали авылында чыккан янгын фаҗига белән тәмамланган - 85 яшьлек ир-атның гомере өзелгән.
Шәхси торак йорт һәм хуҗалык корылмасына ут капкан. Янгынның гомуми мәйданы 180 квадрат метр тәшкил иткән. Бу хакта “Татар-ифнорм”га ТР буенча Россия Гадәттән тыш хәлләр министрлыгы Баш идарәсе матбугат хезмәте хәбәр иткән.
Утны сүндерү барышында коткаручылар йорт эчендә ир-атның мәетен тапкан.
Башлангыч фаразлар буенча, янгын электр суыткычы эшендәге төзексезлек яки кыска ялганыш аркасында чыккан булырга мөмкин.
Фаҗиганең барлык шартлары ачыклана.
Чыганак “Татар-информ”.
фото: МЧС России
Нет комментариев