Казан кешесенә фатирында сауна урнаштырган өчен штраф яный

  ТР Дәүләт торак инспекциясендә хәбәр итүләренчә, Восстание урамындагы бер йортта яшәүче ир-ат үз фатирының санузелында сауна урнаштырган. Моның өчен ул планировканы үзгәрткән һәм бүлмә ясаган. Бу закон белән тыела — инженерлык челтәрләре мондый йөкләнешкә түзми, ә янгын чыгу ихтималы күп тапкыр арта.

«Милекчегә карата административ хокук бозу турында эш кузгатылды», – дип белдерделәр Дәүләт торак инспекциясендә.

_{Чыганак – “Татар-информ”.}