Казанда яшәүче хатын-кыз, каршы якка чыгып, Оренбургта үлемгә китерүче юл-транспорт һәлакәте чыгарган

Хокук саклаучылар мәгълүматлары буенча, авария 19 июльдә Казан — Оренбург — Акбулак трассасында Абдулла районында булган. Казанда яшәүче хатын-кыз, автомобиле белән идарә итеп, узып киткәндә, маневрның куркынычсызлыгына ышанмыйча, каршы як полосага чыккан. Шуның аркасында башка автомобиль белән маңгайга-маңгай бәрелешкән. Һәлакәт нәтиҗәсендә Корея чит ил машинасының 64 яшьлек пассажиры һәлак булган.
Бәрелешү нәтиҗәсендә ике автомобильдән дә алты кеше зыян күргән, аларның барысы да төрле дәрәҗәдәге җәрәхәтләр белән хастаханәгә озатылган.
«Сузуки» йөртүчесенә карата РФ Җинаять кодексының 264 маддәсенең 3 өлеше буенча "Саксызлык аркасында кеше үлеменә китергән юл хәрәкәте кагыйдәләрен бозу" буенча җинаять эше кузгатылган», – диелә хәбәрдә.

_{Чыганак – “Татар-информ”.}