Казанлылар җәй ахырында автомобильләрне ешрак иминиятләштерә башладылар

  Августта ОСАГО рәсмиләштерелгән полислар саны уртача еллык дәрәҗәдән 28% ка югары булган, каско – 18% ка, дип күренә. Полисларның уртача бәясе дә арткан: беренче квартал белән чагыштырганда ОСАГО буенча тариф пөхтә йөртүчеләр өчен – 3% ка, югары куркынычлылар өчен-10% ка арткан. Росгосстрахның онлайн-продвижение һәм цифрлы сатулар бүлеге башлыгы Денис Захаров ассызыклаганча, кызыксынуның артуы автобазарның җанлануы белән бәйле – халык активрак яңа һәм кулланылган автомобильләр сатып ала, ә полисларны онлайн рәсмиләштерү гадирәк була бара. Үсеш электромобильләр һәм гибридлар сегментында да сизелә: июньдә мондый машиналар өчен ОСАГО рәсмиләштерү май белән чагыштырганда 28% ка арткан, июльдә – тагын 17-20% ка. Электромобильләр өчен каскога сораулар саны беренче яртыеллыкта узган елга карата 20% тан артыкка арткан.

_{Чыганак – “Татар-информ”.}