Уенчык вертолет күзен җәрәхәтләгән

Бала уенчык белән уйнаганда, вертолет көтмәгәндә очу юнәлешен үзгәртеп, аның күзенә тигән. Кечкенә пациентны ашыгыч рәвештә Республика балалар клиник хастаханәсенә китергәннәр.
Табиблар күзгә операция ясаган. Хәзерге вакытта бала өенә чыгарылган, ул табиблар күзәтүе астында дәвалануын дәвам итә.
Татарстанның сәламәтлек саклау министры Альмир Абашев җәйге чорда балалар җәрәхәтләре ешрак очравын искәртеп, ата-аналарны балаларның хәвефсезлегенә игътибарлы булырга чакыра.

Чыганак “Татар-информ”.