Әҗемнең батыр егете сайлауга килде

(14 сентябрь, “Апастово-информ).

Участок иртәдән үк ишекләрен ачты. Урамга тәмле коймак исе таралды.
Әҗем авылы егете Илмир Әсхәтов тә сайлау участогына килеп үз тавышын бирде.
Илмир махсус хәрби операция башлану белән, беренчеләрдән булып Ил иминлеге сагына басты. Ул авыр тән яралары алып әлегә туган авылына кайтты һәм дәвалану уза.
Илмир яшь кенә булса да зур авырлыклар аша узды. Батырлыклары да һәр кешегә үрнәк. Аңа киләчәк тормышында да бары тик уңышлар телибез.