Үтәмештә Бөек Ватан сугышы ветераны Хәйретдин Сәлахов үз тавышын бирде

(14 сентябрь, «Апастово-информ»)

Яу кырында Илебез тынычлыгы өчен көрәшкән ветеран киләчәгебезнең ныклы кулларда булуын теләде.
“Сугыш михнәте күңелдән чыкмый. Бүгенге рәхәт тормышны күрә алуыма бик сөенәм. Хөрмәтем зур. Балаларым, оныкларым янәшәсендә кадерле булып яшим. Ил-көннәребез тыныч булсын. Яшьләргә сугыш ачысын күрергә язмасын”, - дип теләде ветеран.
Хәйретдин ага Ил вакыйгалары, көн яңалыклары белән һәрчак танышып бара. Район тормышы белән дә кызыксынып, киңәшләрен бирә. Әлеге сайлау көнен дә көтеп алды һәм төпле акыл белән үз фикерен имзалады ул.