Апас “Җәмигъ” мәчетендә мөслимәләр җыены үтте

(29 сентябрь, «Апастово-информ»)

Очрашуны мәчет абыстае Гөлсирә ханым Коръән сурәләрен укып, дога кылып, сәламләү сүзләре әйтеп башлап җибәрде.
Фиргать хәзрәт Мотыйгуллин мәчет музее эшчәнлеге белән таныштырды, уку елының октябрь аеннан башлануын хәбәр итте.
Суфия абыстай Ризаэтдин Фәхретдинның тормышын һәм аның әдәп-әхлакка кагылышлы эчтәлекле фикерләрен өйрәнүнең зарурилыгы турында сөйләде. Сорауларга җаваплар бирде.
Башкалабыз кунаклары тәкъдимнәр китабына үзләренең җылы сүзләрен, теләкләрен язып калдырдылар.
Очрашу мул чәй табыны артында дәвам итте, киләчәккә бурычлар билгеләнде.