Дәүләки авылында Мәүлид табыны артында очраштылар

(4 сентябрь, “Апастово-информ”).

“Мәчеттә зур бәйрәмнәрне күмәкләп уздырырга яратабыз. Мәүлид ашын да беренчеләрдән булып оештырдык. Дин кардәшләр белән мул табын артына очраштык. Аллаһы Раббыбыз эшләребезгә ярдәм, күңелләребезгә канат, җаныбызга дәрман, холкыбызга сабырлыклар бирсен. Күңел түрләребезгә, өйләребезгә, гаиләләребезгә, мәчет-мәдрәсәләребезгә, илебезгә һәм барча галәмгә Аллаһ Тәгалә тынычлык, иминлек, муллык насыйп итсен, - ди авылның имамы Ильяс хәзрәт Габбасов.
Шулай ук авылның 25 әбисенә мәчет исеменнән Мәүлид күчтәнәчләре дә тапшырылды.