Иң күркәм мәчет һәм чиркәү макетлары билгеле булды

(30 август, “Апастово-информ”).

Авыл клублары, балалар үз авылларындагы мәчет, чиркәү макетларын әзерләгәннәр иде. Аларның һәрберсе үзенчәлекле итеп, зәвыклы эшләнүләре белән аерылып торды. Әлеге макетлар район мәдәният йорты фойесын бизәп, озак кына райондашлар хозурында булдылар. 
Республика көнендә әлеге бәйгенең шартлары буенча җиңүчеләргә акчалата бүләкләр тапшырылды.
Әлеге бәйгенең авторы, проектны оештырып тормышка ашыручысы -  район мәдәният йорты җитәкчесе Роза Нурмиева булса, җиңүчеләргә бүләкләр әзерләүче - киң күңелле райондашыбыз, иганәче Илшат Фәйзуллин.