Дин
«Изге Болгар җыены - 2026» май уртасында узачак
Татарстан Министрлар Кабинеты 922 елда Идел буе Болгар дәүләтендә рәсми рәвештә Ислам динен кабул итү көненә багышланган «Изге Болгар җыены-2026» чарасына әзерлек планын раслады.
(8 ноябрь, «Апастово-информ»)
Чара 16-17 май көннәрендә узачак. Бу хактагы карар Татарстан хокукый мәгълүмат порталында чыкты.
Документта чара программасы өлешчә ачыла. Болгар музей-тыюлыгы территориясендә халык кәсебе эшләнмәләре ярминкәсе, «ислам» темасына лекцияләр, шул исәптән намаз дәресләре, хатын-кызлар өчен яулык бәйләү һәм ир-атлар өчен татар чалмасы бизәү буенча мастер-класслар үткәрү планлаштырыла.
Гарәп каллиграфиясе белән кызыксынучылар өчен «язу тарихы» интерактив мәйданчыгы оештырыла, анда килүчеләр бу сәнгать техникасының технологиясен өйрәнә алачак.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев