Дума депутаты Колунов коммуналь хезмәтләр өчен түләү срогы күчереләчәген әйтте

«2026 елның 1 мартыннан торак-коммуналь хезмәтләр өчен түләүнең соңгы срогы биш көн алга (айның 10сыннан 15енә) күчереләчәк», - диде парламентарий.

Ул аңлатканча, кайбер россиялеләргә хезмәт хакын айның 12сендә яки 15ендә түлиләр. Һәм торак-коммуналь хезмәтләр өчен түләү срогын нәкъ менә гражданнарга аны вакытында түләү өчен күбрәк вакыт бирү һәм штраф санкцияләре куркынычын киметү максатыннан күчерәләр.

Срокларны күчерү шулай ук идарәче компанияләр һәм коммуналь хезмәтләр белән тәэмин итүчеләр өчен түләүләрне планлаштыру һәм эшкәртүне дә гадиләштерәчәк. Шул рәвешле, ай башында оешмаларның бухгалтериясенә йөкләнеш кимиячәк, дип искәртте Колунов.

_{Чыганак:https://tatar-inform.tatar/news/duma-deputaty-kolunov-kommunal-xezmatlar-ocen-tulau-srogy-kucerelacagen-aitte-5908148}

_{Фото: «Татар-информ»}