Дәвеш авылы җирлегендә яшәүче тыл ветераннары Татарстан Рәисенең бүләкләрен алдылар

(25 апрель, “Апастово-информ”)

Дәвеш авылы җирлегендә яшәүче тыл ветераннары - Маһирә апа Вәлиева, Назирә апа Гыймадиева, Рәшидә апа Гобәйдуллина һәм Назимә апа Рәхмәтуллина Татарстан Рәисе Рөстәм Миңнехановның бүләген һәм Котлау хатын алдылар. Бүләкләрне аларга исәнлек-саулык, бәхетле-куанычлы көннәр теләп, авыл җирлеге башлыгы Таһир Хөсәенов тапшырды. Өлкәннәр яшьлек хатирәләре белән уртаклаштылар, тырыш һәм намуслы хезмәт юлларын искә алдылар, хөрмәт-ихтирам өчен җитәкчеләргә рәхмәт хисләрен белдерделәр.