25 декабрьдән 11 гыйнварга кадәр Татарстанда янгыннарга каршы махсус көчәйтелгән режим кертелде

(26 декабрь, «Апастово-информ»)

“Карар нигезендә сәнәгать мәйданнары, транспорт инфраструктурасы һәм энергетика комплексларыннан 500 метрдан да, торак-коммуналь хуҗалыгы объектлары, ферамалардан, халык күп йөри торган урыннардан, торак йортлардан 30 метрдан да ким ераклыкта пиротехника куллану тыела. Моны үтәмәгән физик затлар өчен махсус көчәйтелгән режим вакытында штраф күләме - ун мең сумнан егерме мең сумга кадәр, ә юридик затлар өчен дүрт йөз мең сумнан сигез йөз мең сумга кадәр. Махсус режимның максаты - янгыннар чыгу куркынычын киметү. Янгыннар булмау һәм кешеләрнең үлеменә юл куймау өчен сездән янгын куркынычсызлыгы кагыйдәләрен үтәргә сорыйбыз. Бәйрәмнәр хәвеф хәтәрсез генә узсын иде”, - ди янгын күзәтчелеге бүлеге хезмәткәре Резедә Ибраһимова.