Әҗем авылы халкы гореф-гадәтләрне саклап яши

(30 май, “Апастово-информ”).

  Сабан туена бүләк җыю да иң күңелле күренешләрнең берсе.

Бүләк җыю чарасында район башкарма комитеты җитәкчесе урынбасары Гөлүсә Галләмова, мәдәният бүлеге җитәкчесе Рөстәм Мингазиев, авылдашлары, киң күңелле иганәче, Казан шәһәре башкарма комитеты җитәкчесенең финанс-мөлкәт мәсьәләләре буенча урынбасары Радик Шәфигуллин катнашты.

“Авылның оста куллар түгәрәгенә йөрүче киленнәре, балалар, шәһәрдән кайткан авылдашларыбыз да бүләк җыюда теләп катнашты. Атлар җигеп, җырлап-биеп, һәр йортта булдык. Авыл гөрләп торды бу көнне. Киленнәр, апалар үзләре чиккән сөлге-кулъяулыклар әзерләп көтеп торганнар. Һәр кеше изге теләктә яши”, - ди Әҗем клубы мөдире Нурания Зәйнуллина.