Апас көрәшчеләре сынатмый

(7 апрель, “Апастово-информ”).

  Буада Татарстан Республикасы Сәламәтлек саклау министры Марат Садыйков истәлегенә көрәш ярышлары узды. Ачык турнирда тренер Руслан Нургалиев җитәкчелегендә районыбызның яшь көрәшчеләре дә катнашты һәм призлы урыннар яулады. Үз категорияләре буенча бил алышып, Тимур Заһретдинов беренче, Нияз Низамиев икенче, Ислам Тимергалиев өченче урыннарны алдылар. Зурлар төркеменнән беренче урынга Азамат Мөхәммәтшин лаек булды.