Апас мәктәбенең «Стрела» экология отряды зур җиңү белән кайтты

(20 октябрь, “Апастово-информ”).

15-17 октябрь көннәрендә «Байтик» балаларны сәламәтләндерү лагеренда Татарстан Республикасы яшь натуралистлары слеты булып узган. Чарада Татарстанның 43 районыннан 300дән артык яшь натуралист катнашкан.
“"Стрела" экология отряды "Иң яхшы яшь натуралистлар отряды" конкурсы лауреаты булды. Әмир Абдрахманов, Алия Шәрәфуллина, Раяз Хисамов «Туган як экологиясе» конкурсы лауреатлары исемен яуладылар. "Стрела" отряды командиры Илназ Дәүләтшин «Иң яхшы яшь натуралист» республика конкурсында җиңеп, Мактау грамотасы һәм ноутбук белән бүләкләнде! Отряд җитәкчесе Вәлиева Лилия Мөнир кызына яхшы хезмәте һәм илһамландыргыч җитәкчелеге өчен рәхмәт белдерәбез!”, - дип хәбәр иттеләр Апас урта мәктәбеннән.