Апасның янгын сүндерү бүлегенә хәбәр кергән

(12 сентябрь, “Апастово-информ”).

Бу көннәрдә генә янгын сүндерүчеләргә район үзәгендә йорт яну ихтималы турында хәбәр кергән.
“Йортның кер юу машинасы торган бүлмәсеннән төтен чыга. Янгын электр җиһазларының төзексезлеге нәтиҗәсендә чыккан дип фаразлана. Утка җәелергә ирек бирелми. Кер юу машинасы гына яраксыз хәлгә килә. Вакытында төтенне күрү, тиз арада хәбәр итү зур янгыннар китереп чыгармады. Күп кеше утны үз көче белән сүндерергә тырышып ялгыша. Ә утка җәелер өчен санаулы минутлар җитә. Ут-күздән сак булсак иде”, - ди янгын күзәтчелеге бүлеге хезмәткәре Илшат Шәфигуллин.