Апаста сайлаучылар гриппка каршы вакцина ясата

(14 сентябрь, “Апастово-информ).

Үзенең сәламәтлегенә битараф булмаган райондашлар, үз тавышын биргәннән соң, урында ук вакцина да ясата.
Каратунда урнашкан 906нчы сайлау участогында да әлеге эш оештырылган. Сайлаучыларны фельдшерлар Дания Галиуллина һәм Эльмира Миңнуллина каршы ала. Алар киңәшләрен бирә, грипптан саклану юлларын аңлата. Шулай ук прививка ясатуның мөһимлеген дә төшендерәләр.