Апастан Әмирә Әхмәтова район башлыгының Яңа ел бүләкләрен алды

(31 декабрь, “Апастово-информ”).

Әмирә Әхмәтова Апас мәктәбендә белем ала. Ул бу юлы Кыш бабайдан өр-яңа велосипед һәм бизәнү тартмачыгы сорап, хат юллаган. Хыялы чынга ашты Әмирәнең. “Кыш бабай” белән “Кар кызы” бүген аңа бүләкләрне өенә китерделәр.
“Хөрмәтле Айрат Габделхак улы! Кызыбызның хыялын тормышка ашыруыгыз өчен гаиләбез исеменнән ихлас рәхмәтебезне белдерәбез. Бүген сез безгә чиксез шатлык бүләк иттегез. Эшегездә уңышларга ирешеп, гаиләгезнең күңел җылысын тоеп, тигезлектә, балалар куанычы белән яшәргә язсын”, - дип хис-тойгаларын уртаклашып язган Әмирәнең әнисе Алинә Әхмәтова.