Мөмкинлекләре чикле райондашлар шашка-шахмат уеннарында көч сынашкан

(3 декабрь, “Апастово-информ”).

Тормыш сынауларын зур сабырлык белән җиңүче райондашлар шашка-шахмат уеннарында да сер бирмәгән.
“Барысының да җиңүгә омтылышы зур иде. Иң-иңнәр җиңүче булып танылды. Хатын-кызлар арасында беренче урынны Алсу Гыймранова, икенче урынны Венера Шиһабиева, 3 урынны Фәнзия Азизова яулады. Ир-атлар арасында Беренче урынга Рәшид Сөләйманов, икенче урынга Гайфулла Фәйзуллин, өченче урынга Расыйх Латыйпов ия булды”, дип хәбәр итте “Яшьлек” яшьләр үзәге белгече Ләйсән Гайфетдинова.