Районда урып-җыю эшләренең 58,4 проценты төгәлләнгән

  (29 август, “Апастово-информ”).

  29 августка авыл хуҗалыгы һәм азык-төлек идарәсеннән алынган мәгълүматларга караганда, район буенча 21903гектар мәйданнан 63220 тонна ашлык җыеп алынган. Уңыш бер гектардан уртача 28,9 центнерны тәшкил итә.
  Соңгы мәгълүматларга караганда, уртача гектар уңышы буенча беренчелектә АгроАктив (48,8 центнер), “Нур” (41,3 центнер), КФХ Шаһабиев (41,7 центнер), “Ибраһимов һәм К” (37,7центнер) хуҗалыклары бара.
  Иң күп ашлык суктыручы “Апас-Мол” агрофирмасының Акхуҗа берләшмәсе комбайнчысы Алмаз Юзеев. Ул сезон башыннан 21071 центнер ашлык суктыруга ирешкән.