Апас “Гран-Тау” футбол кырында районкүләм ярышлар узды

(12 апрель, “Апастово-информ”).

Ярышлар мәктәп футбол лигасы кысаларында узды. Районыбызның 7 мәктәбеннән барлыгы 15 команда катнашты. Ике яшь категориясендә кызлар һәм егетләр арасында ике көн кызу көрәш барды.
“Мәктәп укучылары арасында шундый күләмле футбол ярышлары әле беренче тапкыр гына уза. Җиңүчеләр зона этабына район данын якларга барачак. Без аларга гадел җиңүләр һәм уңышлар телибез”, - дип хәбәр итте районның яшьләр эше һәм спорт бүлеге җитәкчесе Ленар Мотыйгуллин.