Апас “Россия көче” марафонына кушыла

(17 февраль, “Апастово-информ”).

Марафон кысаларында республикабызның шәһәр һәм районнарында төрле спорт чаралары узачак. Әлеге ил күләмендәге марафонга районыбыз да кушыла. 28 февраль көнне 10.00 сәгатьтә “Алтын алка” Боз сараенда спорт уеннары оештырылачак. Бик мавыктыргыч, күңелле чара булыр дип көтелә. “Райондашларны “Россия көче” марафоны кысаларында узачак ярышларга көтеп калабыз”, - дип язган район башлыгы Айрат Җиһаншин үзенең социаль челтәрендә.